SON DƏQİQƏ: İranın hücumları zamanı ABŞ təyyarələri ziyan görməyib
ABŞ Silahlı Qüvvələrinin Mərkəzi Komandanlığı (CENTCOM) İran İslam İnqilabı Keşikçiləri Korpusunun (SEPAH) İordaniyadakı Əl-Əzraq aviabazasına endirdiyi zərbələrə dair yayımlanan iddiaları təkzib edib.
Minval.info xəbər verir ki, CENTCOM-un sosial media hesabında yerləşdirdiyi bəyanatda, İranın həyata keçirdiyi raket və pilotsuz uçuş aparatları ilə hücumlar zamanı ABŞ-a aid heç bir hərbi təyyarənin ziyan görmədiyi vurğulanıb.
Bəyanatda qeyd edilib ki, buraxılan raketlər və PUA-lar ya zərərsizləşdirilib, ya da hədəflərinə çata bilməyib. Həmçinin, SEPAH-ın Hörmüz boğazında ticarət gəmilərinin təhlükəyə məruz qalması ilə bağlı açıqlamaları da əsassız sayılıb. Regionda dəniz nəqliyyatının təhlükəsizliyini təmin etmək üçün əsas risk məhz SEPAH-ın təhdidlərindən irəli gəlir.
Daha sonra, ABŞ tərəfi “M/T Nora” adlı kommersiya neft tankerinin Vaşinqtonun tətbiq etdiyi blokadanı yardığı barədə məlumatları da təkzib edib. CENTCOM bölgədə təhlükəsizlik tədbirlərinin gücləndirildiyini, 20-dən çox ABŞ hərbi gəmisinin, yüzlərlə təyyarənin və minlərlə hərbçinin operativ hazırlığını qoruduğunu bildirib.
Minval.info
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Orduda maaş sistemi yenilənir: 13 və 14 ləğv!
Husilərdən Səudiyyə hərbi bazasına raket hücumu
2026-cı ilin avqustu: İqlim rekordları qırıldı
Hörmüz boğazında ticarət gəmisinə hərbi müdaxilə
Rusiyanın hərbi resursları 2028-ci ilə qədər yetərlidir
Yəmən paytaxtını geri almaq üçün hücuma keçir
Şəhid anası Gülçöhrə İsayeva vəfat etdi
