Şərqdə müharibə havası — İran Ədən körfəzinə iki savaş gəmisi göndərdi

Vətəndaş müharibəsinin hökm sürdüyü Yəməndə Səudiyyə Ərəbistanın rəhbərlik etdiyi beynəlxalq koalisiya ilə münasibətləri pis olan İran Ədən körfəzinə iki savaş gəmisi göndərib.
“Ölkə.Az” xəbər verir ki, ötən həftədən bu yana Qırmızı dənizin sahilindəki Hudeydə hava limanında şiddətli toqquşmalar davam edir. Yəmən mərkəzi hökuməti və Səudiyyə bir neçə dəfə hava limanını ələ keçirdiklərini bəyan etsələr də, silah səsləri hələ də kəsilməyib.
Xusiləri dəstəkləyən İran isə Ədən körfəzinə hərbi gəmilər göndərib. Bildirilir ki, gəmilər helikopter daşıya bilir. “Hark” və “Subulan” gəmiləri ərazidə həssas nöqtədə yerləşdiriləcək.