Hörmüz boğazında ticarət gəmisinə hərbi müdaxilə

Hörmüz boğazında ticarət gəmisinə hərbi müdaxilə edildiyi bildirilib. Böyük Britaniyanın Dəniz Ticarəti Əməliyyatları (BBDTƏ) qurumu bu hadisə ilə bağlı məlumat aldığını açıqlayıb.

Minval.info xəbər verir ki, hadisə bölgədə davam edən hərbi fəaliyyətlər fonunda baş verib və hazırda insidentlə bağlı araşdırma aparılır. BBDTƏ bölgədə fəaliyyət göstərən dənizçilərə ən son dəniz təhlükəsizliyi məlumatlarını izləməyi və vəziyyətə qarşı ayıq olmağı tövsiyə edib.