İranda dolların məzənnəsi rekord həddə çatdı

Sentyabrın 9-da İranda dolların məzənnəsi sərbəst bazarda 233 900 tümənə yüksələrək yeni tarixi rekord qırıb. Bu artım, regionda hərbi qarşıdurmanın güclənməsi ilə əlaqələndirilir.

Minval.info xəbər verir ki, Britaniya funt-sterlinqi 316 000 tümən, avro isə 272 000 tümən məbləğində alqı-satqı edilib. “Emami” qızıl sikkəsi isə 242 milyon tümənə satılıb. İki həftə əvvəl dolların məzənnəsi 206 400 tümən idi, bu gün isə həmin qiymətdən təxminən 13% yüksəkdir.

Məzənnənin bu cür kəskin yüksəlişi, avqustun 8-də ABŞ Mərkəzi Komandanlığının (CENTCOM) beş İran neft tankerinin məhv edildiyini elan etməsi və İslam İnqilabı Keşikçiləri Korpusunun (SEPAH) Hörmüz boğazında 20 gəmiyə hücum etdiyini bəyan etməsi ilə əlaqələndirilir. Eyni zamanda, “Brent” markalı neftin qiyməti bir barel üçün 100 dolları keçib.