Aybəniz Haşımova şəhid həyat yoldaşını andı

Əməkdar artist Aybəniz Haşımova mərhum həyat yoldaşı Xalid Quliyevi doğum günündə xatırlayaraq onunla bağlı duyğularını sosial media hesabında paylaşdı. Müğənni, Xalid Quliyevin xatirəsinin yaddaşlardan silinmədiyini və ayrılığın ağrısının zamanla dəyişmədiyini vurğuladı.

Minval.info xəbər verir ki, Aybəniz Haşımova paylaşımında belə qeyd edib: “İllər öncə bu gün dünyaya gəlmişdi… Bu gün isə onu xatırlayan ürəklər var, hələ də unutmayıblar, hələ də darıxırlar. Bəzi insanlar həyatdan gedirlər, amma xatirələri ürəkdən heç vaxt getmir. Bəzi ayrılıqların isə illəri keçsə də, ağrısı dəyişmir… Səni məndən alan dünya…”

Xatırladaq ki, Xalid Quliyev Qarabağ müharibəsində şəhid olub. Aybəniz Haşımovanın onunla nikahından Aynişan adlı qızı var.