Kadırovdan saqqal və çadra çağırışı: Dəyişim!

Çeçenistan rəhbəri Ramzan Kadırov, regionun güc strukturlarının rəhbərləri ilə keçirdiyi iclasda kişiləri uzun saqqal və qısaldılmış şalvar geyinməməyə çağırıb. O, bu cür geyim və xarici görünüş tərzinin gənclər arasında yanlış meyl yaratdığını bildirib.

Minval.info xəbər verir ki, Kadırov, uzun saqqal saxlayanların əksəriyyətinin cümə namazlarına və məscidlərə getmədiyini, əvəzində küçələrdə vaxt keçirib avaraçılıqla məşğul olduqlarını qeyd edib. “Onlar uzun saqqal və qısaldılmış şalvar geyinməyi dəbə çeviriblər və gənc nəsil də onlara bənzəməyə başlayır. Saqqallarınızı qısaldın və onları dinimizə uyğun şəkildə saxlayın,” – deyə o bildirib.

Region rəhbəri həmçinin çadra geyinməyə başlayan çeçen qadınlarına da müraciət edərək, qadınları milli və dini dəyərlərə uyğun geyinməyə səsləyib. Kadırov, Çeçenistanda heç vaxt çadra örtünmək ənənəsinin olmadığını vurğulayıb.

ƏLAQƏLİ

Bunu da oxu

Netanyahunun oğlu İsraildəki ərəb partilərini tənqid etdi

30.10.2026 - 17:14

Xatırladaq ki, avqust ayında Ramzan Kadırov “Vahid Rusiya” partiyasının Çeçenistan regional bölməsi tərəfindən təkrarən respublika rəhbərliyinə namizəd göstərilib. Bundan əvvəl isə o, seçkilərə “məcburi olaraq” qatıldığını bəyan etmişdi.