Harri və Meqan yenidən ABŞ-yə dönə bilər!

Şahzadə Harri və Meqan Marklın Böyük Britaniyadakı krallıq statuslarının ləğv edilməsi səbəbindən yenidən ABŞ-yə qayıtmaq məcburiyyətində qala biləcəkləri bildirilir.

Minval.info xəbər verir ki, Kral ailəsindəki mənbələrə görə, Şahzadə Uilyam qardaşının geri dönməsi ətrafında yaranan qarışıqlıqdan bezib və onların ABŞ-yə qayıtmasını istəyir. Böyük Britaniya Kralı III Çarlz da bu mövqeyi dəstəkləyərək, Sasseks hersoqlarının yalnız “kommersiya və xeyriyyəçilik fəaliyyəti ilə məşğul olan özəl şəxslər” olaraq qalacağını bildirib.

“Daily Mail” qəzetinin məlumatına görə, Kral sarayının lord-kamberleni Riçard Benyonun Böyük Britaniya Nazirlər Kabinetinə göndərdiyi məktubda Harri və Meqanın ölkəyə qayıtmalarının onların rəsmi statusunda heç bir dəyişiklik etmədiyi vurğulanıb. Onların “Əlahəzrətləri” titulları dondurulub və hazırkı mövqeləri sıravi özəl şəxslərin statusundan fərqlənmir.