Əri tərəfindən öldürülən qadın müəllimə imiş: Polisə xəbəri 8 yaşlı oğlu verib - Təfərrüat

Dünən Xətai rayonunda kürəkəni tərəfindən qətlə yetirilən ana və qızının meyitləri bu gün morqdan ailələrinə təhvil verilib.

Məlumata görə, hazırda öldürülən Mahirə İsgəndərova və Günay İsgəndərovanın meyitləri dəfn olunmaq üçün ata evindən götürülür. Onları öldürən və hadisədən sonra qaçan kürəkən Ramin İsgəndərov Ağdama-öz ata-anasının yanına gedib, polisə də Ağdamda təslim olub.

Məlum olub ki, sözügedən həyət evini Günay İsgəndərovun atası Hüseyn İsgəndərov tikib. Ailənin maddi problemlərinin həlli üçün onlara hədiyyə edib. Dünən qız və anası həmin evin yanındakı qaraja gedərək yundan yorğan salmaq istəyiblər. Bunu bilən Ramin İsmayılov da həmin yerə gəlib və orada münaqişə zəminində qətl baş verib. Qeyd edilir ki, Ramin ayrılıqdan sonra məhz həmin qarajda yaşayırmış.

ƏLAQƏLİ

Bunu da oxu

Bakıda qızını bıçaqlayan qadına şərti cəza

08.09.2026 - 10:30

G. İsgəndərova orta məktəbdə müəllimə işləyib. Gənc ailənin bu evlilikdən 8 yaşlı bir oğlu da var, hadisə onun gözləri qarşısında olub, bu barədə polisə də məhz uşaq xəbər verib.

Bir il ayrı qalandan sonra barışan cütlük, təzəlikcə yenidən ayrılıbmışlar. M. İsgəndərova və ailəsi Laçın rayonundan, hadisəni törədən N. İsmayılov isə Ağdam rayonundan məcburi köçkün düşüb.

Bildirilir ki, Günayın bir qardaşı Qarabağda şəhid olub.

ƏLAQƏLİ

Bunu da oxu

Balakəndə narkotik əməliyyatı: 169 çətənə kolu tapıldı

08.09.2026 - 09:55

Günay İsgəndərovun atası H. İsgəndərov öncə Mahirə İsgəndərovanın bacısı ilə evli olub, bu evlilikdən bir qızı və bir oğlu olub. Daha sonra həmin qadın vəfat edib və H. İsgəndərov onun bacısı Mahirə ilə evlənib. Bu evlilikdən də Günay dünyaya gəlibmiş.(Qafqazinfo)

Minval.info