Qiymətlər od tutub yanır: Məşhur aparıcıdan TƏBİB və Səhiyyə Nazirliyinə ETİRAZ

Mündəricat

XƏBƏRİN VİDEOSU

Ölkədə ürəyin MRT (EMRT) müayinəsinin əlçatan olmaması və qiymətlərin həddindən artıq baha olması ciddi narazılığa səbəb olub.

Tanınmış aparıcı Ülkər Qasımqızı sosial şəbəkə hesabında paylaşdığı video ilə bu sahədə yaşanan rəsmi qurumların diqqətsizliyini kəskin şəkildə tənqid edib.

Minval.info xəbər verir ki, kardioloqun tövsiyəsi ilə təcili ürəyin MRT müayinəsindən keçməli olan aparıcı dövlət xəstəxanalarında bu xidmətin tamamilə fəaliyyətsiz olduğunu bildirib. Onun sözlərinə görə, bir müddət əvvəl bu müayinə Yeni Klinikada həyata keçirilsə də, hazırda orada da proses tam dayandırılıb və ölkənin heç bir dövlət tibb müəssisəsində bu xidmət göstərilmir.

Eyni dərman apteklərdə niyə fərqli qiymətə satılır?

ƏLAQƏLİ

Bunu da oxu

Eyni dərman apteklərdə niyə fərqli qiymətə satılır?

26.10.2026 - 12:14

Hazırda bu həyati vacib müayinənin yalnız bəzi özəl klinikalarda aparıldığını deyən Ü.Qasımqızı qiymətlərin 350-600 manat arasında dəyişdiyini və bu məbləğin sadə vətəndaşlar üçün əlçatmaz olduğunu vurğulayıb:

“Elə insanlar var ki, aylıq maaşı 450-500 manatdır. Belə olan halda onlar bir aylıq əməkhaqlarını tamamilə yalnız bu müayinəyə xərcləməli olurlar”.

Məşhur aparıcı icbari tibbi sığorta vasitəsilə də bu xidmətdən yararlanmağın demək olar ki, qeyri-mümkün olduğunu diqqətə çatdırıb. O, sonda TƏBİB və Səhiyyə Nazirliyinə açıq müraciət edərək, ürəyin MRT müayinəsinin dövlət xəstəxanalarında da təcili şəkildə bərpa edilməsini və vətəndaşlar üçün əlçatan olmasını tələb edib.