Putin-Bayden görüşü üçün xərclənən pulun həcmi açıqlandı
İsveçrənin Cenevrə kantonu Rusiya və ABŞ Prezidentləri- Vladimir Putin və Co Bayden görüşünün xərclərinin hesablanmasını tamamlayır.
Ümumi məbləğ 10 milyon dolları keçə bilər.
Mətbuatda dərc olunan ilkin hesablamalara görə, zirvə görüşü zamanı təhlükəsizliyin həyata keçirilməsi 5 milyon 176 min franka başa gəlib. Bunlar ordu və mülki müdafiə xidmətlərinin iştirakı istisna olmaqla, kanton polisinin işi, qonşu kantonlardan gələn təhlükəsizlik xidmətləri, onların yerləşmə və nəqliyyat xərcləridir. Bu xərclərin bir hissəsi Federal Polis tərəfindən qarşılanacaq.
Digər 222 658 frank protokol xidmətlərinə xərclənib, 518 min zirvənin təhlükəsizlik perimetrində yerləşən müxtəlif təşkilatların bir iş gününün boş qalmasını kompensasiya edib. Burada xərclərin bir hissəsi də federal orqanlar tərəfindən qarşılanacaq.
Federal Xarici İşlər Nazirliyi zirvəni işıqlandıran jurnalistlərə nəqliyyat və iaşə üçün xərclənən 3 milyon frankı öz üzərinə götürəcək.
Bildirilir ki, bunlar yalnız ilkin təxminlərdir, yekun rəqəmlər 10-15% arta bilər. Hesablamalar başa çatdıqda Federal orqanlara göndəriləcək.
Qeyd edək ki, Vladimir Putinlə Co Baydenin görüşü iyunun 16-da Cenevrədə baş tutub.
Mənbə: “RİA Novosti”
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Türkiyədə dizel yenidən 100 lirədən ucuzdur
Elşad Namazov Abşeron Logistikadan ayrıldı: 8 ilin sonu
Yusuf Dikeç Derya Arms-da məsləhətçi oldu
Nobel mükafatının məbləği rekord həddə çatdı
Rusiya Ermənistana iqtisadi xəbərdarlıq etdi
Əraqçinin Pekin səfəri: Çin-İran münasibətlərində yeni mərhələ
Qızılın qiyməti yenidən yüksəlir!
