Peşə təhsilinə qəbulda 8791 nəfər uğur qazandı

2026/2027-ci tədris ili üçün peşə təhsili müəssisələrinə tələbə qəbulunun ikinci mərhələsinin nəticələrinə əsasən, 8791 nəfər uğurla müsabiqədən keçib. Namizədlərə qəbul nəticələri barədə məlumatlar sentyabrın 4-də mobil telefonlarına SMS vasitəsilə göndərilib.

Minval.info xəbər verir ki, peşə təhsili müəssisələrinə qəbul olunan şəxslər, qəbul edildikləri ixtisas və təhsil müəssisəsi barədə məlumatları portal.edu.az platformasında şəxsi kabinetləri vasitəsilə əldə edə bilərlər. Müsabiqədən keçən namizədlər sentyabrın 4-dən 10-dək, saat 18:00-a qədər qəbul olunduqları peşə təhsili müəssisəsində qeydiyyatdan keçməlidirlər.

Qeyd edək ki, bu mərhələ 69 peşə təhsili müəssisəsində 149 ixtisas üzrə 12766 plan yeri üçün təşkil olunub və ümumilikdə 23541 nəfər müsabiqədə iştirak edib.