Pensiyaçılara kredit qapıları bağlanır?

Pensiya və kredit sahəsində mümkün dəyişikliklər son dövrlərdə cəmiyyətdə ciddi maraq doğurur. Xüsusilə pensiya yaşının artırılması, yaşlı vətəndaşların kredit imkanlarının məhdudlaşdırılması və qiymət artımlarının pensiyaların alıcılıq qabiliyyətinə təsiri əsas müzakirə mövzuları sırasındadır.

Minval.info xəbər verir ki, gözlənilən dəyişikliklər hansı vətəndaşların sosial təminat imkanlarına təsir göstərə bilər? Pensiyaçıların kreditə çıxışının qorunması üçün hansı meyarlar əsas götürülməlidir?

İqtisadçı-ekspert Əkrəm Həsənov yaxın illərdə pensiya sistemi ilə bağlı ciddi dəyişiklik gözləmədiyini bildirib. O, pensiya yaşının yenidən artırılacağı ilə bağlı səsləndirilən fikirlərə də münasibət bildirib: “Bəzən deyirlər ki, pensiya yaşı yenidən artırılacaq. Amma fikirləşmirəm ki, bunu yaxın illərdə gözləyə bilərik. Faktiki olaraq, pensiya artıq insanlara çatmayacaq. Buna görə onlar üçün kredit almaq da çətinləşəcək. Çünki qiymətlər artır”.

ƏLAQƏLİ

Bunu da oxu

Atalıq məzuniyyəti: 1126 işçi faydalandı

08.09.2026 - 17:09

Əkrəm Həsənovun sözlərinə görə, pensiyaların nominal məbləğinin artırılması ilə yanaşı, onların real alıcılıq qabiliyyəti də nəzərə alınmalıdır. Qiymətlərin yüksəlməsi və gündəlik xərclərin artması sabit gəlirlə yaşayan pensiyaçıların maliyyə imkanlarını daha da məhdudlaşdıra bilər. Bu baxımdan, pensiyaçıların kreditə çıxışının müəyyənləşdirilməsi zamanı yalnız yaş amilinin əsas götürülməsi onların maliyyə imkanlarına mənfi təsir göstərə bilər. Vətəndaşların sosial təminat hüquqlarının qorunması üçün pensiyanın real dəyəri, gəlir səviyyəsi və mövcud borc yükü kimi göstəricilərin də nəzərə alınması vacibdir.