Sosial müdafiəyə ehtiyacı olan işsizlərə iş imkanları artırılır

Publika.az-ın məlumatına görə, Azərbaycan Respublikasının Əmək Məcəlləsi və “Məşğulluq haqqında” Qanununa əsasən, sosial müdafiəyə ehtiyacı olan və əmək bazarında rəqabət qabiliyyəti aşağı olan vətəndaşların işlə təmin olunması dövlət tərəfindən xüsusi zəmanətlər və güzəştlərlə dəstəklənir.

Bu məqsədlə, dövlət işəgötürənlər üçün məcburi kvota müəyyən edərək, bu kateqoriyadan olan şəxslərin əməkhaqlarının bir hissəsini maliyyələşdirir. Beləliklə, əlilliyi olan şəxslər, müharibə iştirakçıları, şəhid ailələrinin üzvləri və digər sosial qruplar üçün işə qəbul imkanları artırılır.

Hərbi xidmətdən qayıdan şəxslər üçün də xüsusi zəmanətlər mövcuddur. Onlar hərbi xidmətdən sonra 60 gün ərzində əvvəlki və ya uyğun bir vəzifəyə qaytarılmaq hüququna malikdirlər. Bu müddət ərzində müraciət edən keçmiş hərbi qulluqçuların işə bərpası işəgötürənlər üçün məcburidir.

ƏLAQƏLİ

Bunu da oxu

Azərbaycanda ictimai nəqliyyatın şarjında "yaşıl enerji"dən istifadə edilə bilər

28.10.2026 - 12:24

Gənclər, məzunlar və valideyn himayəsindən məhrum olanlar da güzəştli məşğulluq proqramlarına daxil edilir. Onlar üçün xüsusi kvota yerləri ayrılır və işə qəbul zamanı sınaq müddəti tətbiq edilmir.

Dövlət, məcburi köçkünlər və sosial adaptasiyaya ehtiyacı olan şəxslərin də məşğulluğunu təmin etmək üçün işəgötürənlərlə birgə sosial iş yerləri təşkil edir. Bu tədbirlər vasitəsilə onların cəmiyyətə inteqrasiyası və işlə təmin olunması dəstəklənir.