Paşinyan: Zəngəzur dəhlizi Azərbaycanda başlayıb bitəcək

Ermənistan Baş naziri Nikol Paşinyan Zəngəzur dəhlizinin Azərbaycandan başlayıb Azərbaycanda bitəcəyini bəyan edib. O, bu barədə parlamentdə deputatların suallarını cavablandırarkən danışıb.

Minval.info xəbər verir ki, Paşinyan “Tramp marşrutu”nun iki giriş və iki çıxışının Azərbaycanda olacağını vurğulayıb. O, bu marşrutun Azərbaycan sərhədindən başlayıb Azərbaycanın sərhədində bitəcəyini dəfələrlə qeyd etdiklərini bildirib.

Baş nazir əlavə edib ki, saziş artıq Konstitusiya Məhkəməsi tərəfindən Konstitusiyaya uyğun hesab edilib və təsdiq üçün Milli Məclisə göndəriləcək. O, deputatlara sazişi oxumağı və orada yazılanları diqqətlə nəzərdən keçirməyi tövsiyə edib. Paşinyan vurğulayıb ki, sazişdə Ermənistanın yurisdiksiyası və ərazi bütövlüyü çərçivəsində fəaliyyət göstəriləcəyi qeyd olunub.