Neftçi tarix yazır: 1000-ci oyun həyəcanı!

Misli Premyer Liqasında VI turun oyunlarına bu gün start veriləcək. Turun ilk qarşılaşmasında ‘Qəbələ’ komandası öz meydanında ‘Neftçi’ni qəbul edəcək. Qəbələ şəhər stadionunda keçiriləcək bu maraqlı görüş saat 17:30-da başlayacaq və ‘Neftçi’ üçün Azərbaycan çempionatları tarixində 1000-ci oyun olacaq.

Minval.info xəbər verir ki, günün digər oyununda ‘Qarabağ’ komandası ‘Şəfa’ ilə qarşılaşacaq. Bu görüş Tofiq Bəhramov adına Respublika stadionunda saat 19:45-də start götürəcək.