Nazir müavininin qohumuna dələduzluq ittihamı ilə hökm

Nazir müavininin əmisioğlu Nahid Şəmşirov dələduzluğa cəhddə təqsirli bilinərək məhkəmə tərəfindən 6 il müddətinə azadlıqdan məhrum edilib. Lakin onun cəzası 2 il sınaq müddəti ilə şərti hesab olunub. Bakı Ağır Cinayətlər Məhkəməsinin hakimi Elmin Rüstəmovun sədrliyi ilə keçirilən iclasda bu qərar qəbul edilib.

Minval.info xəbər verir ki, prokuror Nahid Şəmşirovun 5 il 6 ay müddətinə azadlıqdan məhrum edilməsini təklif etmişdi. Nahid Şəmşirov Cinayət Məcəlləsinin müxtəlif maddələri ilə təqsirli bilinib. O, keçmiş deputat və “Azərbaycan Dəmir Yolları” Qapalı Səhmdar Cəmiyyətinin sabiq sədri, hazırda isə rəqəmsal inkişaf və nəqliyyat nazirinin müavini olan Cavid Qurbanovun əmisioğludur.