Naxçıvanda qaz təchizatında müvəqqəti fasilə

Naxçıvan Muxtar Respublikasının Ordubad və Culfa rayonlarının bəzi ərazilərində qaz təchizatında müvəqqəti fasilə yaranıb. Bu barədə “Azəriqaz” İstehsalat Birliyinin Naxçıvan Regional Qaz İstismarı İdarəsi məlumat yayıb. Minval.info xəbər verir ki, təmir-quraşdırma işləri ilə əlaqədar olaraq, sentyabrın 10-u saat 10:00-dan etibarən Ordubad rayonu, Culfa rayonunun Yaycı, Dizə, Gal və Şurud kəndləri, həmçinin Culfa şəhərinin bir hissəsində qaz təchizatı dayandırılıb. Qazın verilişi işlər başa çatdıqdan sonra mərhələli şəkildə bərpa olunacaq.