MİQ üzrə 1467 namizəd iş imkanı qazandı

Müəllimlərin işə qəbulu (MİQ) üzrə müsabiqənin müddətli əmək müqaviləsi ilə vakansiya seçimi mərhələsində 1467 namizəd uğur qazanıb. Avqustun 28-dən 31-dək keçirilən bu seçimdə iştirak edən namizədlər, müddətli əmək müqaviləsi ilə müəllim kimi fəaliyyət göstərmək imkanı əldə ediblər.

Minval.info xəbər verir ki, uğur qazanan namizədlər sentyabrın 10-u saat 18:00-dək zəruri sənədləri aidiyyəti yerli təhsili idarəetmə orqanına təqdim etməlidirlər. Yalnız çıxarışı aidiyyəti yerli təhsili idarəetmə orqanı tərəfindən təsdiqlənmiş namizədlərin işə qəbulu rəsmiləşdiriləcək. Namizədlərə sənədlərini təqdim etdikdən sonra şəxsi səhifələrinə daxil olaraq çıxarışın təsdiqlənib-təsdiqlənmədiyini yoxlamaq tövsiyə olunur.