Mersin limanında 350 kq kokain ələ keçirildi

Türkiyənin Mersin limanında Cənubi Amerikadan gələn yük gəmisində 350 kiloqram kokain aşkar edilib. Bu əməliyyat Türkiyə Baş Təhlükəsizlik İdarəsinin Narkotiklə Mübarizə İdarəsinin koordinasiyası ilə İstanbul və Mersin polisinin iştirakı ilə həyata keçirilib.

Minval.info xəbər verir ki, gəmidə aparılan axtarış zamanı ümumi çəkisi 350 kiloqram olan 12 böyük paketdə kokain aşkarlanıb. Əməliyyat zamanı dalğıc avadanlıqları və sualtı skuter ləvazimatları da müsadirə edilib. Faktla bağlı 9 şübhəli şəxs barəsində araşdırma başlanılıb.