Məcburi köçkün statusu: Kimlər qalacaq, kimlər statusunu itirəcək?

Valideynlərindən biri məcburi köçkün statusuna malik olmayan şəxslərə aylıq müavinətin verilməməsi məsələsi cəmiyyətdə geniş müzakirələrə səbəb olub. Bu məsələ yalnız sosial ödənişlərlə məhdudlaşmır, eyni zamanda ailə üzvlərinin sosial təminat hüquqlarına təsiri və hüquqi bərabərlik prinsipi ilə bağlı suallar doğurur.

Minval.info xəbər verir ki, Milli Məclisin deputatı Fazil Mustafa bu məsələnin qanunvericilikdə nəzərdə tutulduğunu bildirib. Onun sözlərinə görə, bəzi şəxslərdə məcburi köçkün statusunun saxlanılması, bəzilərində isə köçürülmə prosesindən sonra aradan qaldırılması planlaşdırılır. Bu, qanunvericilik çərçivəsində həyata keçirilən bir prosesdir, çünki əbədi məcburi köçkünlük anlayışı mövcud deyil. Torpaqlar azad edildikdən sonra insanlar öz evlərinə qayıdaraq məskunlaşdıqda, onların statusu hüquqi baxımdan yenidən qiymətləndirilməlidir.

Fazil Mustafa əlavə edib ki, bu baxımdan, köçürülmə prosesi ilə yanaşı, şəxslərin məcburi köçkün statusunun qanunvericiliyə uyğun şəkildə müəyyənləşdirilməsi məsələsi də gündəmə gəlir. Dövlət Komitəsi artıq bu istiqamətdə addımlar atmağa başlayıb və məcburi köçkün statusunun gələcəkdə hansı hallarda saxlanılması və hansı hallarda aradan qaldırılması ilə bağlı proseslər həyata keçirilir.

ƏLAQƏLİ

Bunu da oxu

Kosovo parlamentində yumurta şoku: Müxalif deputatdan baş nazirə gözlənilməz hücum

10.08.2026 - 09:16