Lənkəranın turizm cazibəsi mediaya tanıdıldı

Sentyabrın 9-da Dövlət Turizm Agentliyinin təşəbbüsü ilə Lənkəran şəhərinə mediatur təşkil olunub. Bu tədbirin məqsədi Lənkəranın turizm potensialını, təbii və mədəni irsini, yerli turizm məhsullarını və qonaqpərvərlik ənənələrini geniş auditoriyaya tanıtmaq idi.

Minval.info xəbər verir ki, mediatur çərçivəsində media nümayəndələri Mir Əhməd xanın tarixi evində yerləşən Lənkəran Tarix-Diyarşünaslıq Muzeyini ziyarət edərək şəhərin tarixi və mədəni irsi haqqında məlumat əldə ediblər. Daha sonra Hirkan Milli Parkı və Xanbulan gölü ziyarət olunub, Lənkəranın təbii turizm imkanları barədə ətraflı məlumat verilib.

Proqram çərçivəsində iştirakçılara çayçılıq və çay istehsalı prosesi təqdim olunub, həmçinin Arıçılıq Muzeyində apiterapiyanın tətbiqi imkanları haqqında məlumat verilib. Səfər müddətində media nümayəndələrinin sualları cavablandırılıb.