Lavrovun Tehrana səfərinə hazırlıq gedir

Rusiyanın xarici işlər naziri Sergey Lavrovın Tehrana mümkün səfəri ilə bağlı hazırlıq işləri davam edir.

Minval.info xəbər verir ki, bu barədə Rusiya xarici işlər nazirinin müavini Andrey Rudenko açıqlama verib.

Rudenko bu barədə Qırğızıstanda keçirilən Şanxay Əməkdaşlıq Təşkilatının Xarici İşlər Nazirləri Şurasının iclası çərçivəsində danışıb. Lavrovun Tehrana mümkün səfəri ilə bağlı sualı cavablandıran diplomat, “Biz bu məsələ üzərində işləyirik”, deyə bildirib.

Nazir müavini çıxışında Moskvanın ABŞ və İsrailin İrana qarşı hərbi əməliyyatlarına münasibətini də təkrarlayıb. O, Rusiyanın bu hücumları beynəlxalq hüquqa zidd və qanunsuz təcavüz kimi qiymətləndirdiyini bildirib.

Qeyd edək ki, Sergey Lavrov sonuncu dəfə ötən ilin 25 fevralında Tehrana səfər edib. Həmin səfər zamanı o, Masoud Pezeshkian və Abbas Araghchi ilə görüşlər keçirmişdi.