Kolleclərə ixtisas seçimi tarixləri açıqlandı!

Dövlət İmtahan Mərkəzi tərəfindən “Abituriyent” jurnalının 5-ci nömrəsi nəşr olunub. Jurnalda 2026-2027-ci tədris ili üçün orta ixtisas təhsili müəssisələrinə tam orta (11 illik) təhsil bazasında tələbə qəbulu müsabiqəsində iştirak etmək üçün ixtisas seçimi elanı və “Abituriyentin elektron ixtisas seçimi ərizəsi”nin doldurulması qaydası yer alıb.

Minval.info xəbər verir ki, ixtisas seçimi 28 avqust – 2 sentyabr tarixlərində həyata keçiriləcək. Bundan əlavə, jurnalın bu xüsusi buraxılışında 2025-ci ilin tələbə qəbulu müsabiqəsində formalaşmış keçid balları da dərc edilib.