Kabil aeroportunda 12 nəfər ölüb

Əfqanıstanın paytaxtı Kabil hava limanında ölənlərin sayı açıqlanıb.

Minval.info xəbər verir ki, bu barədə “Reuters” agentliyi məlumat yayıb.

NATO və Taliban nümayəndələrinin agentliyə verdiyi məlumata görə, bazar günündən bu yana hava limanında silahlı insident və izdiham nəticəsində 12 nəfər ölüb.

Agentlik adı açıqlanmayan Taliban nümayəndəsinə istinadən yazıb ki, taliblər əfqanları hava limanının ətrafında toplaşmamağa, onlara uçuşa icazə verilmədiyi təqdirdə evlərinə dönməyə çağırıb.

“Hava limanında olanlara zərər vermək istəmirik”,- hərəkatın təmsilçisi bəyan edib.