Kəlbəcərin ilk məzunu tələbə oldu!

Ali təhsil müəssisələrinə ixtisas seçiminin nəticələri açıqlanıb. Dövlət İmtahan Mərkəzindən verilən məlumata görə, iştirakçılar müsabiqənin nəticələrini mobil operatorlar vasitəsilə öyrənə bilərlər. Bunun üçün “iş nömrəsi”ni 7727 nömrəsinə göndərmək kifayətdir.

Minval.info xəbər verir ki, Kəlbəcərin ilk və yeganə məzunu tələbə adını qazanıb. İşğaldan azad olunmuş Kəlbəcər şəhərində fəaliyyət göstərən Bəhmən Cəfərov adına 1 nömrəli tam orta məktəbin məzunu Nəzrin Seyfəddin qızı Atakişiyeva bu uğura nail olub.