İsrailin nəticəsiz əməliyyatı: "Mossad" iranlı generalı öldürüb
İsrail kəşfiyyat xidməti “Mossad”, 1986-cı ildən itkin düşən israilli pilot Ron Aradı tapmaq məqsədilə İranı hədəf alan bir sıra gizli əməliyyatlar həyata keçirib.
Publika.az xəbər verir ki, “The New York Times” qəzetinin məlumatına görə, “Mossad” Aradın taleyini öyrənmək üçün İstanbulda iranlı general Əlirza Əsgərini qaçırıb. General həftələrlə dindirilsə də, heç bir məlumat verməyib və daha sonra öldürülərək cəsədinin Qara dənizə atıldığı iddia edilir.
Ron Arad, 1986-cı il oktyabrın 16-da Cənubi Livan üzərində “F-4 Phantom” qırıcı təyyarəsinin vurulması nəticəsində paraşütlə tullanaraq şiə “Amal” hərəkatı tərəfindən əsir götürülüb. İsrail, onun İrana təhvil verildiyini düşünürdü, lakin 2004-cü ildə Aradın Livanda öldüyü və dəfn edildiyi qənaətinə gəlinib.
Buna baxmayaraq, İsrail 2021-ci ildə də Aradın taleyi ilə bağlı məlumat əldə etmək üçün iranlı komandir Abdullah Saberini qaçırıb. Saber, İsraildə dindirildikdən sonra Cənubi Afrikanın Yohannesburq şəhərində sərbəst buraxılıb.
İsrailin daxili təhlükəsizlik xidməti Şin Bet əvvəllər Aradın İrana aparılmadığı qənaətinə gəlsə də, “Mossad” İranın hadisədə əli olduğu versiyasını araşdırmağa davam edib. Buna baxmayaraq, əməliyyatlar Ron Aradın taleyi ilə bağlı aydınlıq gətirməyib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Aİ Rusiyaya qarşı 22-ci sanksiyalar paketini təsdiqləməyə hazırlaşır
İngilis mətbuatı İsrailin Filistin üzərindəki "Amazon" planını açıqladı
Nvidia milli təhlükəsizlik və ixrac nəzarəti komitəsi qurdu
NATO-nun STARLIFT kosmik təşəbbüsü başladı: Türkiyə də iştirak edir
ABŞ, Megaspeed şirkətinə qarşı cinayət təhqiqatı başladıb
Jeffrey Epşteynin ölüm səbəbi ilə bağlı yeni iddialar