İrandan Hörmüz boğazı ilə bağlı AÇIQLAMA: “Mühüm irəliləyiş əldə olunub”

İran və Oman arasında Hörmüz boğazında təhlükəsiz gəmiçiliyin təmin edilməsi ilə bağlı danışıqlar davam edir.

Minval.info xəbər verir ki, bunu İran Xarici İşlər Nazirliyinin sözçüsü İsmayıl Bəqayi açıqlayıb.

Bəqayinin sözlərinə görə, iyulun 24-25-də Tehranda keçirilən görüşlər zamanı tərəflər Hörmüz boğazında təhlükəsiz gəmiçiliyin təmin olunması, eləcə də hər iki ölkənin suveren hüquqlarına hörmət prinsipi əsasında əməkdaşlıq mexanizmlərini müzakirə ediblər.

O bildirib ki, danışıqlar nəticəsində bu istiqamətdə əhəmiyyətli irəliləyiş əldə olunub.

XİN sözçüsü qeyd edib ki, Oman nümayəndə heyəti iyulun 25-i axşam Tehranı tərk etsə də, texniki və siyasi məsləhətləşmələr davam etdirilir.

İsmayıl Bəqayi əlavə edib ki, hazırda Hörmüz boğazında gəmiçilik fəaliyyətində hər hansı dəyişiklik müşahidə olunmur.