İlham Əliyev bu stansiyanın adını dəyişdirdi - SƏRƏNCAM

Prezident İlham Əliyev Bakı şəhəri Qaradağ rayonunun ərazisində mövcud olan Heybət dəmir yolu stansiyasının ləğv edilməsi haqqında sərəncam imzalayıb.

Minval.İnfo xəbər verir ki, Bakı şəhəri Qaradağ rayonunun ərazisindəki Heybət dəmir yolu stansiyasına bitişik hissədə beynəlxalq standartlara uyğun, geniş əraziyə və müasir infrastrukturu olan, yeni informasiya-kommunikasiya texnologiyaları ilə təchiz edilmiş dəmir yolu stansiyası inşa edilib.

Sərəncamda qeyd edilir ki, Bakı şəhəri Qaradağ rayonunun ərazisində yerləşən Heybət dəmir yolu stansiyası ləğv edilsin. Yeni inşa edilmiş dəmir yolu stansiyası “Abşeron” adlandırılsın.

Nazirlər Kabinetinə bu sərəncamdan irəli gələn məsələləri həll etmək tapşırılıb.