"İkinci əl paltarlar yığırlar, buradakı insanların da ləyaqəti var"

Türkiyəli müğənni,  “Ahbap” dərnəyinin rəhbəri Haluk Levent zəlzələ qurbanlarına göndərilən yardımlarla bağlı çağırış edib.

Axşam.az xəbər verir ki, ifaçı yardımların ünvanına çatmaması ilə bağlı iddiaları cavablayıb. O bildirib ki, yardımı gətirənlər özlərini çətinliyə salmamaq üçün Hataya çatmamış hər şeyi paylayırlar. Bu səbəbdən Haluk yardım göndərən şəxslərə müraciət edərək lazımi qurumlar istəmədən belə yardımların göndərilməməsini xahiş edib.

O, ikinci əl geyimlərlə bağlı isə müraciətində bu sözləri deyib:

“Hər dəqiqə telefonuma zəng gəlir ki, yük maşını göndərdik. Haradan alacağam onları, haraya yerləşdirəcəyəm? İkinci əl paltarlar yığırlar. Buradakı insanların da bir ləyaqəti var. Virus, xəstəliklər var… Mən niyə insanlara sənin paltarlarını verim? Bunu insanlara izah edə bilmirik. Qurumlarla məsləhətləşmədən yardım göndərməyin. Əgər razılıq almış olsalardı, iki yük maşınını yerə boşaltmış olmazdıq”.