İtkin düşmüş şəxslərlə bağlı beynəlxalq konfrans iştirakçıları Xocalıda

“İtkin düşmüş şəxslər üzrə Bakı Dialoqu çərçivəsində IV Beynəlxalq Konfrans” iştirakçıları Xocalı şəhərinə səfər ediblər. Baku.ws-ın məlumatına görə, bu tədbir Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkili ilə həyata keçirilib.

Səfər çərçivəsində iştirakçılar ilk növbədə Xocalı Soyqırımı Memorialını ziyarət ediblər. Bu hadisə, müxtəlif ölkələrin sabiq dövlət və hökumət başçıları, beynəlxalq təşkilatların və xarici ölkələrin yüksək vəzifəli nümayəndələri, itkin düşmüş şəxslərlə iş üzrə qurumların rəhbərləri və ekspertlərinin iştirakı ilə keçirilib. Həmçinin qeyri-hökumət təşkilatlarının təmsilçiləri və insan hüquqları sahəsində mütəxəssislər də iştirak ediblər.

Qonaqlara Xocalı soyqırımı haqqında ətraflı məlumat verilib. Onlara bildirilib ki, Memorial Kompleksi faciə qurbanlarının xatirəsinin yaşadılması və milli yaddaşın qorunması məqsədilə inşa olunub.