Makron Fransada yeni etiraz dalğasına qarşı təcili təhlükəsizlik iclası keçirir

Fransada ötən həftə sonu yüksək həyat xərclərinə qarşı nümayişlərdə baş verən zorakılıq və talan hadisələrindən sonra “Act II” adlı yeni sosial hərəkətlənmə dalğasının baş verməsi gözlənilir. Buna görə də, dövlətin ən yüksək səviyyəsində böhran iclasları keçirilir.

Minval.info xəbər verir ki, Emmanuel Makron bu səhər təhlükəsizlik şurasına rəhbərlik edir. İclasda baş nazir, aidiyyəti nazirlər və “bütün kəşfiyyat xidmətləri” iştirak edir. Elysee sarayının məlumatına görə, iclasın məqsədi “kəşfiyyat, proqnozlaşdırma və təhlükəsizlik tədbirlərini” qiymətləndirmək, eləcə də ötən həftə sonu baş verən hadisələrə səbəb olan “səhvləri” nəzərdən keçirməkdir.

Fransa hökuməti kəşfiyyat xidmətlərinin ötən həftəsonu baş verən hadisələrin miqyasını kifayət qədər qiymətləndirmədiyini etiraf edib. Daxili işlər naziri Laurent Nüñez əvvəlcə 200,000 nəfərin iştirak edəcəyini gözləsə də, 550,000-dən 800,000-ə qədər iştirakçı qeydə alınıb. Ölkə üzrə 60,000-dən çox təhlükəsizlik qüvvəsi yerləşdirilsə də, vandalizm aktlarının qarşısını almaq mümkün olmayıb.

ƏLAQƏLİ

Bunu da oxu

Melonidən etirazçılara sərt tədbir: 5 ilədək həbs cəzası

22.10.2026 - 13:34

Bu şənbə, 24 oktyabrda gözlənilən yeni hərəkətlənmə üçün təhlükəsizlik tədbirləri Sentinelle qüvvələri və RAID, GIGN və BRI kimi elit polis və jandarmeriya birləşmələri ilə gücləndiriləcək.

Bu arada, Matignon-da məsləhətləşmələr davam edəcəkdir. Baş nazir Sébastien Lecornu parlamentdə təmsil olunan siyasi qüvvələrin nümayəndələrini qəbul edəcək. Məqsəd ictimai nizam-intizam strategiyasında mümkün “dəyişikliklər” barədə müzakirələr aparmaqdır.