Melonidən etirazçılara sərt tədbir: 5 ilədək həbs cəzası

İtaliyada son zamanlar baş verən etiraz aksiyalarının zorakılığa çevrilməsi və təhlükəsizlik qüvvələrinin xəsarət alması hökuməti yeni tədbirlər görməyə məcbur edib. Publika.az-ın məlumatına görə, baş nazir Corcia Meloninin rəhbərlik etdiyi hökumət bu istiqamətdə ciddi addımlar atıb.

Yeni qaydalara əsasən, etirazlar zamanı zorakılıq hərəkətlərinə yol verən şəxslər 5 ilədək həbs və 20 min avroya qədər cərimə ilə üzləşə bilərlər. Üstəlik, iştirakçıların üzlərini gizlətməsi və ya insanlara xəsarət yetirilməsi cəzanın daha da ağırlaşdırılmasına səbəb olacaq.

Talan və əmlaka zərər vurma hadisələrində iştirak edən yetkinlik yaşına çatmayanların törətdiyi maddi zərərə görə isə onların ailələri də hüquqi məsuliyyət daşıyacaq.

ƏLAQƏLİ

Bunu da oxu

Makron Fransada yeni etiraz dalğasına qarşı təcili təhlükəsizlik iclası keçirir

22.10.2026 - 13:44

Xatırladaq ki, İtaliyada yaşayış xərclərinin artması və təhsil məsələləri ilə bağlı keçirilən etirazlar, xüsusilə Milan şəhərində, zorakı hərəkətlərlə müşayiət olunub. Bu müddət ərzində mağazaların şüşələri sındırılıb, iş yerləri talan edilib və ictimai əmlaka ziyan dəyib.