“Həmişə liderlərin həyat yoldaşları haqda...” – Kraliçadan iddiaya cavab

İordaniya kraliçası Raniya sosial şəbəkələrdə paltarlarına böyük məbləğdə pul xərcləməsi barədə yayılmış iddiaya cavab verib.

Teleqraf.com xəbər verir ki, kraliça məlumatları təkzib edib və onları təəccüblə qarşıladığını deyib: “Geyimlərimə böyük pullar xərclənməsi haqda məlumatlar yayılıb. Bu, məni təəccübləndirdi”.

Kral hökuməti məsələyə qarışıb və rəsmi bəyanat yayıb: “Dövlət başçısının həyat yoldaşı İordaniyanı layiqli şəkildə təmsil etmək istəyir və buna görə də, xərcləmələri şəxsən izləyir. Lakin geyimlərinin qiymətləri barədə mediaya yayılan məlumatlar həqiqəti əks etdirmir. Paltarlarının çoxu əlzahəzrətə hədiyyə verilib, yaxud ucuz qiymətə satın alınıb”.

Lakin kraliçanın şəxsi xərcləmələri ilə bağlı yayılmış iddiaya cavab verilməyib.

Raniyanın özü isə iddianı belə cavablandırıb: “Həmişə ayrı-ayrı ölkə liderlərinin həyat yoldaşlarının qarderobları və alış-verişləri haqda yanlış məlumatlar yayılır”.