Gömrükçülər qadının çantasında şarlara bükülmüş heroin aşkarladı - VİDEO

İrandan gələn vətəndaşın əl yükündə narkotik vasitə-heroin aşkarlanıb.

Minval.İnfo xəbər verir ki, Dövlət Gömrük Komitəsi Əməliyyat İstintaq Baş İdarəsinin Əməliyyat idarəsinə İran İslam Respublikası vətəndaşı Mahdioghli Roghayeh Hasan qızının Azərbaycan ərazisinə narkotik vasitə gətirməsi barədə əməliyyat məlumatı daxil olub.

Cənub Ərazi Baş Gömrük İdarəsi Astara gömrük postunun gömrük nəzarət zonasında vətəndaşın üzərinə və əl yüklərinə baxış keçirilib.

ƏLAQƏLİ

Bunu da oxu

Bakıda sabah nəqliyyat xaosu: Hazırlıqlı olun!

14.09.2026 - 10:35

Baxış zamanı, vətəndaşa məxsus içərisində şəxsi əşyalar olan yük çantasında, 1 ədəd sellofan torbanın içərisində müxtəlif rəngli şarlara bükülmüş 10 ədəd yumru formalı bağlama aşkar olunub. Sonra həmin bağlamalar açılıb və hər bir bağlamanın içərisində açıq qəhvəyi rəngli, ümümi çəkisi 555 qram olan narkotik vasitə-heroin aşkarlanıb.

Faktla bağlı araşdırma aparılır.

Minval.İnfo

ƏLAQƏLİ

Bunu da oxu

Azərbaycanda 3600 illik döyüşçü məzarı tapıldı

13.09.2026 - 19:46