Gizli eşq yaşayan qadını rüsvay etməklə hədələdi, pullarını aldı

Bakının Səbail rayonu sakinindən şantaj yolu ilə 13 min manat alınıb.

Bu barədə Oxu.Az-a hüquq-mühafizə orqanlarından məlumat verilib. 57 yaşlı P.İ. rayon prokurorluğuna müraciət edərək 2017-ci ilin aprel ayından 2019-cu ilin aprel ayına kimi tanışı – Biləsuvar rayon sakini 51 yaşlı A.İ. tərəfindən şantaj edildiyini bildirib.

Şikayət ərizəsinə görə, A.İ. qadını gizli eşq macərasını hər kəsə danışacağı ilə hədələyib. Yalnız pul müqabilində susmağa razılaşıb. Əvvəl zərərçəkən dələduzun şərtini qəbul etsə də, çox keçmədən səhvə yol verdiyini anlayıb.

ƏLAQƏLİ

Bunu da oxu

Azərbaycanda 1 milyonluq dələduzluq hadisəsi

31.10.2026 - 12:24

Sirrin saxlanılmasına görə tələb olunan məbləğlər getdikcə artıb. Qadın bunun sonunun olmayacağını başa düşüb və prokurorluğa şikayət ərizəsi ilə müraciət edib.

Hazırda materiallar Səbail rayon Polis İdarəsinə göndərilib və fakt üzrə araşdırma başlanılıb. Hələlik faktla bağlı saxlanılan yoxdur.