Gənc "Breaking Bad"dən ilham alaraq atasını zəhərləməyə çalışdı

Pakistanın Bahavalpur şəhərində yaşayan 17 yaşlı bir gənc, atasını zəhərləməyə cəhd etdiyi və bu əməliyyatın izsiz həyata keçirilməsi üçün süni intellektdən kömək almağa çalışdığı iddiası ilə saxlanılıb.

Minval.info xəbər verir ki, Pakistan Milli Kiber Cinayətlər Araşdırma Agentliyi, gəncin internetdəki fəaliyyətlərinin avtomatik bir sistem tərəfindən aşkarlandığını açıqlayıb. Araşdırmanın nəticəsində gəncin Bahavalpurda yaşadığı müəyyən edilib və şübhəli saxlanılıb.

“Breaking Bad”dən ilham aldı

Araşdırmanı aparan rəsmi şəxslərin bildirdiyinə görə, universitet təhsilinin ikinci ilində olan və ailəsinin yeganə oğlu olan bu gənc, atası ilə yaşadığı münaqişədən sonra bu addımı atıb. Münaqişənin səbəbinə dair isə məlumat verilməyib.

ƏLAQƏLİ

Bunu da oxu

ABŞ-da süni zəka ilə 129 milyon dollarlıq dələduzluq aşkarlandı

06.11.2026 - 13:54

Mütəxəssislər gəncin “Breaking Bad” serialını izlədikdən sonra kimya ilə maraqlanmağa başladığını və evində kiçik bir laboratoriya qurduğunu bildirirlər. Gəncin Avstraliya və İslamabaddan müxtəlif kimyəvi maddələr tədarük etdiyi və atasına qarşı istifadə etməyi planlaşdırdığı bir maddə hazırladığı iddia olunur.

Yetkililərin dediyinə görə, gənc hazırladığı maddəni bir dəfə atasına verib, lakin bu cəhd uğursuz olub. Maddənin nə olduğu və atasına hər hansı bir zərər verib-vermədiyi açıqlanmayıb.

Sorğuya görə, gənc bu hadisədən sonra süni intellekt söhbət botuna ölümcül bir zəhəri necə izsiz verə biləcəyini soruşub. Hər hansı bir süni intellekt tətbiqinin istifadə edildiyi və ya sistemin gəncə necə bir cavab verdiyi açıqlanmayıb.

ƏLAQƏLİ

Bunu da oxu

Süni intellektlə rəhbərləri təqlid edərək 130 milyon dollar oğurladılar

06.11.2026 - 12:54