Gəlinini bıçaqlamaqda ittiham olunan şəxs təcridxanada vəfat etdi
Ağdaş rayonunda gəlininə hücum edərək onu bıçaqlamaqda ittiham olunan 72 yaşlı şəxs istintaq təcridxanasında dünyasını dəyişib. Hadisə ilə bağlı araşdırmalar davam edir.
Minval.info xəbər verir ki, 1954-cü il doğumlu Xanbala Ağayev saxlanıldığı təcridxanada həyatını itirib. Onun cəsədi artıq ailəsinə təhvil verilib.
Xatırladaq ki, X.Ağayevin oğlu keçən il yol-nəqliyyat qəzasında həlak olmuşdu. Bu hadisədən sonra gəlin, X.Ağayevin evindən ayrılaraq başqa bir məkanda yaşamağa başlamışdı. X.Ağayev, gəlinin ünvanını öyrənərək onun mənzilinə qanunsuz şəkildə daxil olmuş və ona bir neçə bıçaq zərbəsi endirmişdi.
Cinayət cəhdinin qarşısını X.Ağayevin qardaşı oğlu İslam Ağayev almışdır. Yaralı gəlin dərhal xəstəxanaya çatdırılmış və tibbi müdaxilələr nəticəsində onun həyatı xilas edilmişdir.
Hadisə ilə əlaqədar X.Ağayev saxlanılaraq istintaqa təhvil verilmişdi. Onun barəsində cinayət işi açılmışdı, lakin o, istintaq təcridxanasında vəfat edib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Vüsal Şilderin qətli: cinayətin qiyməti 1000 manat olub?
Bakıda 117 min manatlıq dələduzluqda təqsirləndirilən şəxsə hökm oxundu
Sumqayıtda keçmiş yeznəsini aldatdı, məhkəmə qərarı verildi
Avtoxuliqanlıq edən sürücü 15 sutka həbs cəzası aldı
Polis 103 kiloqramdan çox narkotik vasitə aşkarladı
Vəzifəli şəxsləri şantaj edən baş redaktor məhkəmə qarşısında
Ağstafada parkda qətl hadisəsi baş verib
