“Əgər Qarabağda ermənilər olmasa, sülhməramlılar da olmayacaq” – Kolerov

“Əgər Qarabağda ermənilər olmasa, sülhməramlılar da olmayacaq” - Kolerov

“ATƏT-in Minsk qrupunun formatı mövcud deyil, çünki Minsk qrupunun əsas qüvvəsi Qarabağ münaqişəsinin həlli məsələsində onun fəaliyyətinin davamlılığı, danışıqların əvvəlki mərhələlərinin daimi mirası idi, əslində bu, icra edilmiş faktların tanınmasıdır”.

Ordu.az xəbər verir ki, bunu “Regnum” xəbər agentliyinin baş redaktoru Modest Kolerov erməni jurnalistə açıqlamasında deyib.

Onun sözlərinə görə, Bakı bir neçə dəfə Minsk qrupundan imtina edib.

“Hazırda Qarabağ ətrafında həqiqətən mövcud olan yeganə şey Rusiya ilə ikitərəfli razılaşma əsasında orada olan sülhməramlılardır. Ermənistandan Qarabağa, əlbəttə ki, mühüm iqtisadi amil var, amma siz və mən yaxşı başa düşməliyik və əlbəttə, başa düşürük ki, orada sülhməramlılar olmasa, ermənilər də olmayacaq. Və əksinə, əgər orada ermənilər olmasa, sülhməramlılar da olmayacaq. Bu, ən yaxın birbaşa əlaqədir”, – deyə Kolerov qeyd edib.