Fransa prezidenti istintaqa cəlb olunub – 144 min avro ianənin qaynağı bilinmir

Fransa məhkəməsi prezident Emanuel Makron haqqında 2017-ci ildə keçirilən seçkilər kampaniyası zamanı qaynağı məlum olmayan maddi yardım səbəbindən istintaq başladıb.

Minval.İnfo xəbər verir ki, istintaq Seçki Hesablama Komissiyasının prezidentə olunan 144 min avro maddi yardımın haradan gəldiyini tapa bilməməsinin ardından başladılıb. Fransa mətbuatında bildirilib ki, adı keçən məbləğ Makrona seçki kampaniyası zamanı olunan yardımın çox kiçik hissəsidir. Emanuel Makron 2017 prezident seçkiləri zamanı 16.8 milyon avro ianə toplayıb və bu məbləği tam şəkildə xərcləyib.

İstintaqla bağlı hələlik nə Makron, nə də partiyası tərəfindən açıqlama verilməyib.

Minval.İnfo