Fidan Abbasova narkoloji qeydiyyata niyə alınmır?

Fidan Loğman qızı Abbasovanın narkotik vasitələrdən istifadəsi ilə bağlı məsələ yenidən gündəmə gəlib. Onun bioloji nümunəsinin müayinəsi zamanı THC (+) maddəsinin aşkarlanması Respublika Narkoloji Mərkəzinin rəyində təsdiqlənib. Mərkəzin rəyinə əsasən, Abbasovanın narkomaniya xəstəliyindən əziyyət çəkmədiyi və məcburi müalicəyə ehtiyacının olmadığı, lakin profilaktik qeydiyyata alınmasının məqsədəuyğun olduğu bildirilib.

Minval.info xəbər verir ki, məhkəmə araşdırması nəticəsində Fidan Abbasovanın İnzibati Xətalar Məcəlləsinin 206-cı maddəsinə uyğun olaraq inzibati xətanı törətməsi sübuta yetirilib və birinci instansiyanın qərarı apellyasiya instansiyası tərəfindən də təsdiqlənib. Lakin onun ərazi narkoloji dispanserində profilaktik qeydiyyata alınıb-alınmadığı barədə məlumat yoxdur.

Bu vəziyyət bir sıra suallar doğurur: Fidan Abbasova profilaktik qeydiyyata alınıbmı? Əgər alınmayıbsa, bunun səbəbi nədir? Bu prosedurun həyata keçirilməsinə hansı qurum cavabdehdir və indiyədək hansı tədbirlər görülüb?