Dünyaca məşhur klubun məşq bazası yandı - azı 10 futbolçu öldü (Foto)

Braziliyanın A Seriyasında yer alan “Flamengo” klubunun məşq bazasında faciəvi hadisə baş verib.

Minval.info xarici mediaya istinadən xəbər verir ki, “ağ-qara” komandanın azı 10 futbolçusunun həyatını itirdiyi bildirilir.

Ölənlərin aşağı yaş qruplarında forma geyən 14-17 yaşlı oyunçuların olduğu deyilir.

Klub üzvləri yuxuda olan zaman yanğının baş verməsi faciəyə səbəb olub.

Braziliya mediasının yazdığına görə, 3 nəfər hadisə zamanı ağır xəsarətlərlə ölümdən qurtulub.