Daşkəsən sakinini döyüb pulunu və maşınını alan şəxslər tutulub

Daşkəsən sakinini döyüb pulunu və maşınını alan şəxslər saxlanılıb.

Daxili İşlər Nazirliyinin mətbuat xidmətindən “Minval”a verilən məlumata görə, martın 10-da Nəsimi rayonu ərazisində kirayədə yaşayan Daşkəsən rayon sakini N.Tağıyev 20-ci Polis Bölməsinə müraciət edərək martın 8-də evinə gəlmiş 3 nəfər tərəfindən döyülməsini, 1900 manat pulunun və avtomobil açarının alınmasını bildirib.

Nəsimi Rayon Polis İdarəsinin 20-ci Polis Bölməsi və Gəncə Şəhər Baş Polis İdarəsi əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə sübhəli bilinən Gəncə şəhər sakini R.Məmmədov və Samux rayon sakini, əvvəllər məhkum olunmuş E.Həsənli Gəncə ərazisində müəyyən edilərək saxlanılıblar.

Faktla bağlı araşdırmalara başlanıb.