Ceyhun Bayramovun Ukrayna səfəri davam edir — Növbəti görüş

Ukraynada rəsmi səfərdə olan Azərbaycanın xarici işlər naziri Ceyhun Bayramov bu ölkənin Baş Kəşfiyyat İdarəsinin rəisi Kirill Budanov ilə görüşüb.

Minval.info xəbər verir ki, Azərbaycan Xarici İşlər Nazirliyinin yaydığı məlumata görə, tərəflər iki ölkə arasındakı intensiv siyasi dialoqu və yüksəksəviyyəli təmasları yüksək qiymətləndirərək, bu görüşlərin ikitərəfli əlaqələrin inkişafına mühüm töhfə verdiyini bildiriblər.

Görüş zamanı siyasi, iqtisadi, enerji, nəqliyyat və humanitar sahələrdə əməkdaşlığın genişləndirilməsi imkanları nəzərdən keçirilib.

ƏLAQƏLİ

Bunu da oxu

Ceyhun Bayramov Nyu-Yorkda Azərbaycan – ABŞ strateji tərəfdaşlığının önəmindən bəhs edib

25.09.2026 - 00:48

Eyni zamanda, tərəflər sürətlə dəyişən regional və beynəlxalq təhlükəsizlik mühiti, cari geosiyasi proseslər və qarşılıqlı maraq doğuran digər məsələlər ətrafında fikir mübadiləsi aparıblar. Sonda Azərbaycan ilə Ukrayna arasında müxtəlif istiqamətlər üzrə davamlı təmasların və praktiki əməkdaşlığın saxlanılmasının vacibliyi bir daha təsdiqlənib.