BYD 183 min avtomobilini geri çağırır

Çinin BYD avtomobil istehsalçısı, daxili bazarda 183 mindən çox avtomobilini geri çağıracağını açıqlayıb. Bu qərar, əyləc sistemindəki mümkün qüsurlarla əlaqədardır.

Minval.info xəbər verir ki, geri çağırılma, əsasən “Tang” seriyalı elektrik avtomobilləri və hibrid SUV-ləri, həmçinin təxminən 40 min “Qin” seriyalı sedanları əhatə edir. Əyləc pedallarının yastıqlarının materialında olan qüsurlar, uzun müddət istifadə zamanı və ekstremal şəraitdə qırılma riskini artırır.

Çin tənzimləyiciləri, nəqliyyat vasitələrinin təhlükəsizliyinə nəzarəti gücləndirməkdədir. Hakimiyyət orqanları, sürətli inkişaf dövrlərində istehsalçıların keyfiyyətdən imtina etmə ehtimalından narahatdırlar. Qeyd edək ki, BYD, Çində ən çox satılan avtomobil markasıdır və onu “Geely” və “FAW-Volkswagen” izləyir.