“Bundan sonra da vicdanlı olacağam” - Abid Şərifov

“79 yaşım var və artıq yaşlı adamam. Səhhətimdə də heç bir problem yoxdur. Hazırda pensiyaçıyam. Başqa heç bir işlə də məşğul olmuram. Ancaq istirahət edirəm”.

Minval.İnfo xəbər verir ki, bunu Modern.az-a açıqlamasında baş nazirin sabiq müavini Abid Şərifov deyib.

Baş nazirin sabiq müavini mətbuatda onun səhhətində problem olduğu və bununla əlaqədar xaricə göndərildiyi barədə yazılanlara etiraz edib:

ƏLAQƏLİ

Bunu da oxu

Rusiya NATO ittihamlarını rədd etdi: "isterika və təxribat

14.09.2026 - 11:24

“Demək istəyirəm ki, hazırda evdəyəm və səhhətim normaldır. Nə vaxtsa da xaricə getmək fikrim yoxdur. Mənim xaricdə nə işim var? 23 il dövlətin bir vəzifəsində vicdanla işləmişəm və bundan sonra da vicdanlı olacağam”.

Abid Şərifov onun keçmiş vəzifəsini hazırda icra edən baş nazirin müavini Hacıbala Abutalıbovun fəaliyyəti barədə danışmaq istəmədiyini deyib:

“Bu, mənim işim deyil. Mən tövsiyə verə bilmərəm. Hacıbala müəllimin fəaliyyətini mən yox, prezident qiymətləndirə bilər, bir də insanlar. Ancaq əsas cənab prezidentdir. Bu məsələ mənlik deyil daha”.

ƏLAQƏLİ

Bunu da oxu

İraq-İran sərhədində üç keçid yenidən açılır

13.09.2026 - 22:20

A.Şərifov bundan sonra mətbuatla sıx təmasda olmaq istəmədiyini qeyd edib:

“Mətbuata açıqlamalar vermək istəmirəm. Zamanında çox açıqlamalar vermişəm. Daha bəsdir…”.