"Bu qız nə qədər Qalenvagenə minməyib, tapmaq lazımdır" - Ekspertdən biabırçı yanaşma

Masallıda ailəsi ilə birgə yaşadığı evdən qaçan Babayeva Türkandan xəbər var.

Qızının axtarışı üçün “Səni axtarıram”a çıxan anası Türkanın bundan əvvəllər də qaçaraq Bakıya gəldiyini bildirib.

Ana hər dəfəsində qızını DİN-in qaynar xəttinə xəbər verdikdən sonra tapdığını deyib:

“Evdən iki dəfə qaçıb. İlk dəfə evdən qaçanda 15 yaşı var idi. İndi 19 yaşı var”.

Xoşqədəm Türkanın 20 yanvar ərazisində qara rəngli “Opel”də göründüyünü bildirib.

Verlişdə ekspert qismində əyləşən vəkil Şəfiqə Nağıyevanın məsələyə yanaşması isə fərqli olub:

“Nə qədər ki, Qalenvagenə minməyib, axtarıb tapmaq lazımdır”.

Milli.az