Cəlilabadda su qıtlığı: Fermerlər çarəsiz qalıb

Cəlilabad rayonunda fermerlər suvarma problemi ilə üzləşiblər. Maldarlıqla məşğul olan təsərrüfat sahibləri bildirirlər ki, Muğan-Salyan kollektorundan təsərrüfatlara suyun verilməsi dayandırılıb. Bu vəziyyət nəticəsində 700-dən çox mal-qara susuz qalıb, yonca sahələri isə məhv olmaq təhlükəsi ilə üz-üzədir.

Minval.info xəbər verir ki, sakinlər yaranan problemlə bağlı narahatlıqlarını ifadə ediblər. Fermerlərdən biri, əvvəllər suyun fasiləsiz verildiyini və bu suyun həm mal-qara, həm də əkin sahələri üçün istifadə edildiyini qeyd edib. O, “Gözümü açandan bu kanaldan həmişə su axıb. İndi suyumuzu kəsiblər. Pensiyaçı adamam, maşınla su almağa pulum yoxdur” deyə bildirib.