BMT Yəmən üçün təcili iclas çağırır

BMT Təhlükəsizlik Şurası Yəməndəki vəziyyətlə əlaqədar təcili iclas keçirmək qərarına gəlib. Bu iclas Bəhreyn və Böyük Britaniyanın müraciəti əsasında sentyabrın 10-da baş tutacaq.

Minval.info xəbər verir ki, iclasda BMT-nin Yəmən üzrə xüsusi elçisi Hans Qrundberqin çıxışı gözlənilir. Tədbirdə Səudiyyə Ərəbistanı və Yəmən də iştirak edəcək. Bu iştirak Təhlükəsizlik Şurasının müvəqqəti prosedur qaydalarının 37-ci qaydasına uyğun olaraq həyata keçiriləcək.

İclas, “Ənsar Allah”dan olan husilər və Yəmən hökumət qüvvələri arasındakı gərginliyin artması və 2022-ci ildə BMT-nin vasitəçiliyi ilə əldə edilmiş barışıqdan sonra yaranmış nisbi sakitliyin pozulması fonunda keçiriləcək. Husilər tərəfindən Səudiyyə Ərəbistanı ərazisinə zərbələrin endirilməsi də iclasın gündəliyində yer alacaq.