Birbank əməliyyatlarında yeni komissiya tətbiqi

“Birbank” əməliyyatlarında “MPAY” MMC-yə məxsus ödəniş terminallarında yeni komissiya tətbiqi istehlakçıların xərclərinə müəyyən təsir göstərə bilər. Lakin bu komissiyaların ciddi maliyyə yükü yaratması gözlənilmir.

Minval.info xəbər verir ki, iqtisadçı Ruslan Atakişiyev bildirib ki, şirkətlər göstərdikləri xidmətlər müqabilində xidmət haqlarını, o cümlədən komissiya haqlarını özləri müəyyənləşdirirlər. Onun sözlərinə görə, komissiya tətbiqinin səbəbləri göstərilən xidmətlərin xərcləri, işçi heyətinin saxlanılması və digər fəaliyyətlərlə bağlı xərclərlə əlaqəli ola bilər.

Ekspert əlavə edib ki, istənilən komissiya haqqının ödənilməsi müəyyən qədər əlavə xərc yaradır və bu, istehlakçıların ümumi xərclərinə təsir göstərir. Bununla belə, onun fikrincə, bu komissiyalar böyük və ciddi maliyyə yükü hesab olunmur.