Səbaildə kanalizasiya problemi sürüşmə təhlükəsi yaradır

Səbail rayonunun Yüzbəy Mürsəlov küçəsində yerləşən bir binanın sakinləri kanalizasiya problemləri ilə üzləşiblər. Onların bildirdiyinə görə, ərazidəki kanalizasiya xətləri bərbad vəziyyətdədir və bu səbəbdən çirkab suları ətrafa yayılır. Bu vəziyyət binanın birinci mərtəbəsi və ətraf sahələrdə ciddi problemlərə yol açır.

Minval.info xəbər verir ki, sakinlər binanın arxa hissəsindən axan çirkab sularının torpaq sürüşməsi təhlükəsi yaratdığını iddia edirlər. Xüsusilə yağışlı havalarda bu təhlükə daha da artır. Dağlıq ərazidə yerləşən qeyri-yaşayış sahələri və həyət evləri də bu vəziyyətdən təsirlənir.